69 árgangurinn á Reyðarfirði

Inga Ósk kom með þá frábæru hugmynd að við myndum búa til myndamöppu fyrir börnin okkar.

Mappan er komin og nú er bara að henda þarna inn myndum. Muna bara að merkja hverja mynd fyrir sig með nafni barns og foreldris, jafnvel fæðingardag líka :)

Og endilega þið sem eruð að hittast daglega eða vikulega,...eða bara annað slagið, minnið hvort annað á þessa síðu og virkjum hvert annað :)

Gaman að heyra um nýjasta sportið hjá þér Steini. Við fjölskyldan höfum verið svolítið á sjó hér í firðinum í sumar og núna í haust. Okkur finnst ekkert sérlega skemmtileg tilhugsun að synda  yfir fjörðinn þar sem við höfum verið að fylgjast með hnýsum og hrefnum.

Það er ótrúlega tilkomumikil sjón að sjá hrefnurnar að veiðum. Maður sér síldartorfur efst í yfirborðinu og allt í einu kemur svo hrefnan upp úr til að gleypa ætið. Þegar maður er staddur úti í miðjum firði verður hávaðinn mikill þegar þær skella í sjónum aftur. Hnýsurnar synda allt í kring og hirða leifarnar.

 Annars væri gaman að vita af því í tíma ef þú ætlar að láta verða af þessu, hef oft hugsað um þetta líka, en aldrei synt í sjó við Ísland.

Það er svo sem allt gott að frétta, búið að vera gott veður í haust en miklar rigningar undanfarna daga.

Innilegar hamingjuóskir til þess nýgifta á Héraði og til allra afmælisbarna sem við höfum ekki heyrt í .

Kveðja Gústi og Dísa

Eru engir skemmtilegir pennar á meðal vor?

Ég ætla nú ekki alveg að gefa það uppá bátinn, fékk indication um það um daginn frá ástkærri Ástu að von væri á skemmtilegheitum frá henni og Ingu. Bíð spenntur :) Á meðan ætla ég að halda þessu eitthvað gangandi með fréttum af mér og mínum.

Annars er ekkert stórkostlegt að frétta en jú, alltaf eitthvað. Ég tók uppá því að hefja iðkun á nýju sporti í sumar. Sporti sem ég bjóst nú ekki við fyrirfram að ég myndi fara sjálfviljugur í né heldur að ég myndi svo fíla það í ofanálag. Skellti mér nefnilega í sjósund og ef ég get eitthvað eitt sagt um það, þá segi ég bara, GO FOR IT !! Þvílíkt kikk og ekki neitt annað. Og nú er ég kominn með kolklikkaða hugmynd og hún er sú að næsta sumar þá muni ég synda yfir Reyðarfjörð,.......#$%&&// Búinn að reiknað út að það sé um 1.400 metrar og það verður bara að koma í ljós hvort kallinn getur það eða ekki :)

Nú svo er ég orðinn munaðarlaus því foreldrar mínir fluttust búferlum til Svíþjóðar í gær. Sænska ættin náði loksins hluta af íslenska liðinu til sín.

Annars verð ég að segja ykkur að þessi ferð hjá mér austur í sumar, á árgangsmótið lifir enn ótrúlega góðu lífi í minningunni og ef ég mætti velja, þá væri þetta á hálfsársfresti :)Er bara alveg rosalega ánægður og kátur með þetta árgangsmót sem staðið var fyrir.

En hvað er að frétta af ykkur hinum sem eruð að skoða þessa síðu,....og hafið örugglega frá einhverju að segja ? :)

Kv, Steini

Hæ hæ :)

Man einhvert ykkar hvers son og dóttir gömlu kennararnir okkar Erling og Jóhanna eru?

Þetta er alveg gjörsamlega stolið úr mér þrátt fyrir að ég hafi verið í ágætis sambandi við Erling fyrir nokkrum árum síðan. Kannski aldurinn sé farinn að segja til sín,....hehehe :)))

Kveðja úr borginni, Steini

Hæ öll

Ef einhvern úr hópnum vantar aðgangsorð til að skrifa hérna inn eða setja inn myndir eða bara anything,........þá getið þið sent mér tölvupóst á steini@hataekni.is eða steini.thorst@gmail.com

Þegar ég stofnaði síðuna var ég ekki með netföng allra svo það gæti bara vel verið að einhver sé ekki með aðgang.

En því fleiri sem skrifa eitthvað hérna og halda þessu gangandi, því skemmtilegri verður síðan. Ég er að reyna að halda afmælisdagbók og vona bara að ég sé með réttar dagsetningar í hvert sinn,......hahaha :) Nú ef ekki, þá er full ástæða til að óska hverjum og einum til hamingju með hvern og einn dag :)

Annars ekkert merkilegt af mér að frétta. Er kominn í sumarfrí og á leið á ættarmót í Svíþjóð, hjá hinu sænska ættlið mínum. Fer með börnin með mér og þetta verður BARA gaman sko.

Kærar kveðjur, Steini

Og by the way,....ef einhver ykkar er að nota Facebook, þá er hann Helgi Seljan búinn að stofna grúbbu þar sem heitir Reyðarfjörður, AKA Búðareyri 730. Endilega kíkið þarna inn og gerist meðlimir ef þið eruð skráðir Facebook notendur. Nú ef ekki, þá er bara að skrá sig því Facebook er skemmtilegt :)

Slóðin er http://www.facebook.com/group.php?gid=24130239516